بیر موًددت اؤنجه دوستلارین بیری توپلومسال شبکهلرده یازمیشدی:
«صمد بو گونون تاریخینده، دنیاسین دئیشیب!
صمد آذربایجانین عزیز و صداقتلی اوغلی، آذربایجانین اوره ینده یئر آلیب. صمدین یولی خالقین یولی صمدین یولی دواملی اولسون:
آنا دیلینده مدرسه – اولمالیدی هر کسه.»
بو متنه بئله بیر دوًزهلیش وئرمک اولار:
ــ بو گونون تاریخینده > بئله بیر گونده؛
ــ دنیاسین > دوًنیاسینی؛
ــ دئیشیب > دییشیب؛
ــ صمد آذربایجانین عزیز و صداقتلی اوغلی [اوغلو] > آذربایجانین عزیز و صداقتلی اوغلو صمد؛
ــ اوره ینده > اوًرهیینده؛
ــ یئر آلیب > یئری وار؛
ــ یولی > یولو؛
ــ خالقین یولی > خالقین یولودور؛
ــ اولمالیدی > اولمالیدیر.
صمد بئله بیر گوًنده دوًنیاسینی دییشیب.
آذربایجانین عزیز و صداقتلی اوغلو صمدین آذربایجانین اوًرهیینده یئری وار. صمدین یولو خالقین یولودور. اونون یولو دواملی اولسون:
آنا دیلینده مدرسه – اولمالیدیر هر کسه.
________________
[* مجبوری اولاراق تنویندن ( ً) Ü حرفینی قید ائتمک اوچون ایستیفاده ائتمیشم. اورتوگرافیدهکی علامتی بوردا آسانلیقلا یازماق اولمور]