آشيق سؤزوٍ ديليميزده اوٍچ آنلام داشييير:
آ ـ هم اوْخويان، هم چالان، هم ده سؤز قوْشان ساز شاعيري. بير آشيق أکهسن بير ساز گؤيره؛ بير شاعير أکهسن بير نانا حسرت؛ بير پاييز أکهسن بير ياز گؤيره؛ من بونا حسرتم، آي آنا حسرت. (ن.ايلاهي)
ب ـ قوْيونون ديز قاپاغيندان چيخان اوْيناق سوٍموک. اوشاقلارين آشيقآشيق اوْيونوندا ايشلتديکلري سوٍموک. اوشاق واختي کوٍچهده آشيق اوْيناياندا هردن بير ساواشارديق. (ج.ممدقولوزاده)
ج ـ وورغون [عاشق] آنلاميندا. منده مجنوندان فزون عاشيقليق استعدادي وار؛ عاشيقِ صاديق منم مجنونون آنجاق آدي وار. (م.فضولي)
اينديکي يازيلي قايناقلاريميزدا ايلک ايکي آنلامي بيربيريندن آييرماق اوٍچون بيرينجي آنلام عاشيقلا ايفاده اوْلونور، ايکينجيسي ايسه آشيقلا. آنجاق بو ايکي واريانتي بيرلشديرهرک آشيق يازماق اوْ سؤجوٍيون توٍٍرکجهميزده منيمسهنيلمهسينه يارديم ائدهر. لاکين وورغون آنلاميني نظرده توتدوقدا، اوْنو عاشيق کيمي يازماق اويغون گؤروٍنور.